التسويق علم بدأ بآلة طباعة وانتهى بثورة في العالم الحديث
لو كنت قولت لأجدادك زمان إنك في يوم من الأيام هيبقى عندك شركة، خدمة أو منتج وهتعملهم تسويق عن طريق الإنترنت، تفتكر كانوا هيقولوا عليك إيه؟ 🤔
تيجي نرجع بسرداب زمني نوصل بيه لبداية الـ Marketing ونعرف إيه هو وبدأ امتى وفين وإزاي. 🧐
ده علم موجود من زمان وهو جزء أساسي في حياة البشر، حتى لو زمان مكانش ليه اسم.
الناس كانت دايمًا بتبيع وتشتري، وتستخدم طرق مختلفة لإقناع غيرها بشراء منتجاتهم. في البداية، الموضوع كان بسيط جدًا، الناس بتروج لمنتجاتهم في الأسواق أو في الشوارع عن طريق الكلام أو الكتابة اليدوية. مع مرور الزمن، ومع ظهور الراديو والتلفزيون، وبدأ ياخد أبعاد جديدة. الإعلانات بقت صوت وصورة، وقدرت الشركات توصل لجمهور أكبر بشكل أسهل وأسرع.
إيه هو الـ Marketing؟
هو الجسر اللي بيوصل بين العميل والشركة، من خلاله بتقدر الشركة تفهم إيه هي احتياجات العميل وتوفرهاله بالشكل اللي هو عايزه. 👌
تخيل مثلًا عندنا شجرة والشجرة دي خارج منها فرعين وهما: التسويق التقليدي، التسويق الرقمي. 💻
والمُسيطر دلوقتي هو التسويق الرقمي اللي هنتكلم عن أهدافه وأنواعه وطرقه.
إيه هو الـ Digital Marketing:
مفهوم الـ Traditional Marketing إنه نشاط بشري بيتم عشان يساعد على سهولة تبادل السلع بين الناس.
مع ظهور الإنترنت، الدنيا اتغيرت تمامًا، وظهر التسويق الرقمي الفكرة بقت مش بس إنك توصل للناس، لكن كمان إنك توصل للشخص الصح في الوقت الصح. التسويق الرقمي بيستخدم الإنترنت والتكنولوجيا الحديثة عشان يوصل للعميل اللي فعلًا مهتم بالمنتج أو الخدمة.
أهمية التسويق الرقمي:
التسويق الرقمي مهم جدًا لأنه بيسمح للشركات إنها توصل لجمهورها بشكل أسرع وأكتر دقة. بعكس التقليدي، اللي كان بيكلف كتير وبيوصل لناس كتير لكن مش كلهم مهتمين، التسويق الرقمي بيدي الفرصة للشركة إنها تستهدف الشخص اللي مهتم بمنتجها تحديدًا. وكمان، بيتيح فرصة لقياس النتائج بشكل فوري ومعرفة إذا كانت الحملة التسويقية ناجحة ولا لأ.
الخلاصة:
بدأ بسيط جدًا من أيام الأسواق والجرائد، واتطور مع الوقت لحد ما وصلنا لعصر الـ Digital Marketing اللي بنقدر من خلاله نحدد جمهورنا بدقة ونعمل حملات إبداعية بتوصل لأكبر عدد ممكن من الناس المهتمة.
خلاصة الرحلة:
بدأ التسويق بسيط، واتطور من الكلام المباشر والإعلانات الورقية، لحد ما وصل لعصر رقمي بيتيح إمكانيات غير محدودة.